|
Sukk og SVÍNArí á minni! Ég er ekki búin að gera sjiiiitt í allan dag. Hvað er þetta annars með jólin? Maður étur og étur og fær ekki einu sinni samviskubit! "Það eru nú einu sinni jólin og þau eru bara einu sinni á ári" hugsar maðru og skellir í sig öðru laufabrauði með extra miklu smjöri, jólaölsglasi og smá hangiketi að norðan því að það má ekki borða allt of mikið því það er að koma kvöldmatur!! Svo fær maður bækur í jólagjöf en les þær ekki því maður er enn að lesa Harrí Potter á ensku síðan í sumar. Þetta gengur afskaplega hægt enda er hann rúmar 700 síður (nær því að vera 800 held ég) og maður hefur ekki haft tíma til að lesa þetta. Svo hangir maður í tölvunni og hugsar af og til "ég ætti kannski að fara að koma mér í föt" en gleymir því undir eins þegar einhver skemmtilegur kemur inn á MSN eða eitthvað áhugavert byrjar í sjónvarpinu. Já, jólin eru tími ljóss og friðar, matar og drykkjar, kaupmennsku og peninga, barnanna hátíð björt. Hvað sem maður vill kalla þau. Sumir verða niðurdregnir eða jafnvel þunglyndir um jólin og hugsa um niðurdrepandi minningar eða velta sér upp úr því að það hafa ekki allir það jafn gott og við. En það er einmitt málið! Það hafa það ekki allir jafn gott og við og þess vegna þarf maður að njóta þess. Að vera með fjölskyldunni, hver veit nema gamli afi eða amma verði ekki með að ári! Borða góðan mat án þess að hugsa um björgunarhringinn því það eru bara jól einu sinni á ári. Fá pakka og gefa pakka, sjá svipinn á þeim sem fá gjöfina sem mann langaði eiginlega sjálfan í og fá þakkir frá þeim sem maður er ekki með á aðfangadagskvöld daginn eftir. Já, jólin eru fjölskylduhátíð og ég óska ykkur GLEÐILEGRA JÓLA!!!
skrifað af Runa Vala
kl: 21:54
|
|
|
